Crop Insurance : महाराष्ट्रातील शेतकऱ्यांसाठी एक दिलासादायक बातमी आहे. खरीप हंगाम २०२३ मध्ये झालेल्या अतिवृष्टीमुळे अनेक पिकांचे मोठ्या प्रमाणात नुकसान झाले. या नुकसानीसाठी शेतकऱ्यांना मिळणाऱ्या पीकविम्याच्या भरपाईत राज्य शासनाने महत्त्वाचा निर्णय घेतला आहे. सर्वसमावेशक पीक योजनेअंतर्गत शेतकऱ्यांना अधिकच्या नुकसान भरपाईपोटी १९२७ कोटी रुपये लवकरच वितरित करण्यात येणार आहेत.
ओरिएंटल इन्शुरन्स कंपनीला नुकसान भरपाईची रक्कम वर्ग | Crop Insurance
राज्य शासनाने ओरिएंटल इन्शुरन्स कंपनीला या नुकसान भरपाईची रक्कम वर्ग करण्यासाठी मान्यता दिली आहे. यात सातारा, नाशिक, जळगाव यांसह सहा जिल्ह्यांतील शेतकऱ्यांना याचा लाभ मिळणार आहे. या निर्णयानुसार सातारा जिल्ह्यातील शेतकऱ्यांना २७.७३ कोटी रुपयांची नुकसान भरपाई मिळणार आहे.
ही पीकविमा योजना बीड पॅटर्नवर आधारित आहे. ज्या ठिकाणी पीकविमा हप्त्याच्या ११० टक्केपेक्षा अधिक नुकसान भरपाई येते, तिथे विमा कंपनी ११० टक्केपर्यंत भरपाई देते, तर त्यापुढील नुकसान भरपाई राज्य शासनाकडून दिली जाते. खरीप हंगाम २०२३ मध्ये मंजूर ७६२१ कोटी रुपयांपैकी ५४६९ कोटी रुपये शेतकऱ्यांच्या खात्यांमध्ये यापूर्वीच जमा झाले आहेत. उर्वरित १९२७ कोटी रुपयांची भरपाई लवकरच वितरित केली जाईल.
शेतकऱ्यांसाठी महत्त्वाचा निर्णय | Crop Insurance
राज्य शासनाच्या या निर्णयामुळे शेतकऱ्यांना मोठा दिलासा मिळेल. २०२३ च्या खरीप हंगामात झालेल्या नुकसानीमुळे अडचणीत असलेल्या शेतकऱ्यांना आर्थिक मदत मिळणार आहे, ज्यामुळे त्यांना शेतीची पुढील कामे सुलभपणे करता येतील.
